შეჯიბრი სტრატეგიული მარკეტინგის ესსეს შექმნაში – სმე 2022
მარკეტინგის სახლი იწყებს სტრატეგიული მარკეტინგის ესეებში შეჯიბრს სმე 2022 რომლის მიზანია გამოავლინოს სტრატეგიული აზროვნებით და ანალიტიკური უნარებით დაჯილდოვებული სტუდენტი საქართველოში.
ს მ ე 2 0 2 2 – დაიწყება 15 აპრილს და დამთავრდება 26 მაისს. 24.00 სთ–ზე. ნაშრომები უნდა იქნეს გადმოგზავნილი დაბლა მითითებულ ელექტრო ფოსტაზე.
სმე 2022 იქნება დაყოფილი 3 მთავარ ეტაპად:
- ეტაპი: სტუდენებით დაკომპლექტებული გუნდები (თითოეული გუნდი 2 ადამიანი ან 1 ადამიანი) თავისუფლად აარჩევს თემას მარკეტინგული ესეს შესაქმნელად. მთავარია ესეში ჩანდეს:
- კომპანიის / ბრენდის სტრატეგია და ტაქტიკა – კომპანიის სტრატეგიის გარჩევა – კომპანიის განვითარება და პერსპექტივა.
- კომპანიის ბრენდის მისიისა და მიზნების კრიტიკული ანალიზი
- ორგანიზაციის სტრატეგიის დასაბუთება ცნობილი თეორიებით გამოყემებით
- კომპანიი/ბრენდის განვითარების სტრატეგიის შესწავლა
- ბაზარზე ლიდერობის მიღწევის სტრატეგიის ანალიზი
- ეტაპი: ესეს საბოლოო ეგზემპლარი 26 მაის უნდა გაუგზავნოთ, კახაბერ ჯაყელს, ელექტრო ფოსტაზე: kdjakeli@ibsu.edu.ge
- ეტაპი: თქვენი ესეები იქნება წაკითხული და გამოქვეყნებული მარკეტინგის სახლის გვერდებზე.
- სმე 2022-ის გამარჯვებული გამოვლინდება 12 ივნისს.
სმე 2022 -ში გამარჯვებული შეიძლება იყოს 3 გუნდი: აქედან თუ გუნდი დაიკავებს:
- I ადგილს: გუნდის წევრებს გადაეცემათ მარკეტინგის ოქროს კალმის სერთიფიკატი;
- II ადგილს: გუნდის წევრებს გადაეცემათ მარკეტინგის ვერცხლის კალმის სერთიფიკატი;
- III ადგილს: გუნდის წევრებს გადაეცემათ მარკეტინგის ბრინჯაოს კალმის სერტიფიკატი
სმე-ს შექმნის პრინციპები
ესე უნდა დაიწეროს 12 შრიფტით (სილფაენით) ა4 ფორმატის გვერდზე, სათაურები უნდა იყოს 14 ფორმატით, გვერდების მინიმალური რაოდენობა 3-5 გვერდი. შესაძლებელია გამოყენებული იქნეს ავტორების გადაღებული სურათები ან ინტერნეტიდან ჩამოტვირთული სურათი (წყაროს მითითებით)- ესეში უნდა იყოს გამოყენებული მხოლოდ ავტორის აზრი და მისი ფრაზეოლოგია.
პლაგიატი დაუშვებელია. ესეში ციტირების რაოდენობა უნდა იყოს მაქსიმუმ 2-3, ავტორის მითითებით. ესე უნდა იძლეოდეს ძალიან მგრძნობიარე, ამავე დროს რაციონალურ, და გონებრივ დატვირთვას. ესე უნდა იყოს დაწერილი გამართული ქართული ენით. გთხოვთ მოერიდეთ ბარბარიზმს – ანუ უცხო სიტყვათა გადამეტებით გამოყენებას.
გისურვებთ წარმატებას!
სმე 2022 პროექტის დირექცია
5 აპრილი, 2022 წელი
