NIMA / EMC კვალიფიკაცია მარკეტინგში

NIMA/EMC კვალიფიკაცია (Marketing Practitioner და Marketing Manager) ადასტურებს მისი მფლობელის ცოდნას და გამოცდილებას მარკეტინგის სფეროში, ზრდის მის მუშაობის ეფექტურობას და კონკურენტუნარიანობას არა მხოლოდ ადგილობრივ, არამედ საერთაშორისო დასაქმების ბაზარზე.

NIMA/EMC კვალიფიკაციის მიღებისას მოქმედებს იგივე პრინციპი, რაც სხვა პროფესიული კვალიფიკაციების შემთხვევაში, როგორიცაა, მაგალითად, CFA (Chartered Financial Analyst) ფინანსებში, PMI Certification (Project Management Institute) პროექტების მენეჯმენტში, SPHR (Senior Professional in Human Resources) ადამიანური რესურსების მენეჯმენტში.

NIMA/EMC კვალიფიკაცია არ მოითხოვს რესერტიფიკაციას (ხელახალ დადასტურებას გამოცდების პერიოდული გადაბარებით), თუმცა კვალიფიკაციის მფლობელები მოიაზრებიან Life Long Learning კონცეფციის მიმდევრებად.

 კვალიფიკაციის დამადასტურებელი საბუთები

კვალიფიკაციის მფლობელის სტატუსს ადასტურებს შემდეგი საბუთები:

1. ნიდერლანდების მარკეტინგის ინსტიტუტის დიპლომი NIMA Marketing A (გაცემის ადგილი: ამსტერდამი, ნიდერლანდები)

2. EMC -ის საკვალიფიკაციო მოწმობა მითითებული კვალიფიკაციით Marketing Practitioner EQF level 4 (გაცემის ადგილი: ბრიუსელი, ბელგია)

ან

1. ნიდერლანდების მარკეტინგის ინსტიტუტის დიპლომი NIMA Marketing B  (გაცემის ადგილი: ამსტერდამი, ნიდერლანდები)

2. EMC -ის საკვალიფიკაციო მოწმობა მითითებული კვალიფიკაციით Marketing Manager EQF level 6 (გაცემის ადგილი: ბრიუსელი, ბელგია)

გარდა ამისა, კვალიფიკაციის თითოეული მფლობელის მონაცემები განთავსებულია ევროპის მარკეტინგის კონფედერაციის მონაცემთა ბაზაში (https://www.pe-online.org/PUBLIC/MAATWERK/EMC/index.aspx), რაც მარტივს ხდის სტატუსის გადამოწმებას დამსაქმებლებისთვის თუ საგანმანათლებლო ორგანიზაციებისთვის.

 EQF European Qualification Framework

თითოეული კვალიფიკაცია შესაბამისობაშია ევროპულ საკვალიფიკაციო ჩარჩოსთან EQF European Qualification Framework, რომლის მიზანია, შესატყვისობაში მოიყვანოს ევროკავშირის ცალკეულ ქვეყანაში გაცემული დიპლომის დონე და ეროვნული საკვალიფიკაციო ჩარჩო (National Qualification Framework) ერთიან ევროპულ სტანდარტთან. დაწვრილებით ევროპის საკვალიფიკაციო ჩარჩოს და მისი მნიშვნელოვნობის შესახებ იხილეთ ევროკომისიის ოფიციალურ ვებ-გვერდზე: http://ec.europa.eu/education/lifelong-learning-policy/eqf_en.htm